ຍອມຖີ້ມເປົ້າໝາຍຮ່ວມອີຢູ! ເຊີເບຍທໍາລາຍສະຫະພາບຢູໂຮບ ຕົກລົງຊື້ກ໊າດທຳມະຊາດຣັດເຊຍ
ປະທານາທິບໍດີ ອາເລັກຊານດາ ວູຊິດ ຂອງເຊີເບຍ ຖະແຫຼງວ່າຂໍ້ຕົກລົງການສະໜອງກ໊າດທຳມະຊາດ “ ທີ່ໜ້າພໍໃຈຢ່າງຍິ່ງ” ກັບ ຣັດເຊຍ ສວນທາງກັບຄວາມພະຍາຍາມຂອງສະຫະພາບຢູໂຣບ(ອີຢູ) ທີ່ຫວັງຫຼຸດການເພີ່ງພາພະລັງງານຂອງມອສໂກແບບຄ່ອຍເປັນຄ່ອຍໄປ.
ວູຊິດ ອ້າງວ່າເຂົາຕ້ອງການພາເຊີເບຍເຂົ້າຮ່ວມກັບສະຫະພາບຢູໂຣບ ແຕ່ໃນຊ່ວງປີທີ່ຜ່ານມາເຂົາມີຄວາມສໍາພັນກັບຣັດເຊຍ ພັນທະມິດເກົ່າແກ່ ແໜ້ນແຟ້ນຂື້ນ ປະທານາທິບໍດີທ່ານນີ້ປະຕິເສດປະນາມຣັດເຊຍຢ່າງຊັດເຈນຕໍກໍລະນີຮຸກຮານຢູເຄຣນ
ແລະ ປະເທດຂອງເຂົາບໍ່ເຂົ້າຮ່ວມກັບຕາເວັນຕົກໃນການກໍານົດມາດຕະການຂວ້ຳບາດຫຼີ້ນງານມອສໂກ ຂໍ້ຕົກລົງຊື້-ຂາຍ ກ໊າດທຳມະຊາດລະຫວ່າງເຊີເບຍກັບຣັດເຊຍ ມີຂື້ນຫຼັງຈາກ ມອສໂກຕັດຂາດກ໊າດທຳມະຊາດທີ່ມອບໃຫ້ 3ຊາດສະມາຊິກອີຢູຢ່າງຟິນແລນ,ໂປແລນ ແລະ ບຸກາຣີ.