ທະນາຄານໂລກອະນຸມັດເງິນຊ່ວຍເຫຼືອຢູເຄຣນ 1.49 ພັນລ້ານດອນລາ
ສຳນັກຂ່າວຣອຍເຕີ່ລາຍງານວ່າ ເມື່ອວັງອັງຄານ(7 ມິຖຸນາ) ຄະນະກຳມະການທະນາຄານໂລກ (ເວີດແບັງ) ໄດ້ອະນຸມັດເງິນຊ່ວຍເຫຼືອຢູເຄຣນເພີ່ມອີກ 1.49 ພັນລ້ານດອນລາ ເພື່ອຊ່ວຍຈ່າເງິນເດືອນລັດຖະບານ ແລະ ນັກສົງເຄາະ ໂດຍຂະຫຍາຍວົງເງິນຊ່ວຍເຫຼືອຢູເຄຣນເພີ່ມເປັນ 4 ພັນລ້ານດອນລາແລ້ວ.
ທະນາຄານໂລກລະບຸໃນຖະແຫຼງການວ່າ ເງິນທຶນລ່າສຸດນີ້ໄດ້ຮັບການສະຫນັບສະຫນຸນໂດຍຄໍ້າປະກັນທາງການເງິນຈາກອັງກິດເນເທີ່ແລນ ລິທົວເນຍ ແລະ ລັດເວຍ ແລະຍັງໄດ້ຮັບການສະຫນັບສະຫນຸນທາງການເງິນຈາກອີຕາລີ່ ແລະ ເງິນບໍລິຈາກMulti-Donor Trust Fund ເຊິ່ງເປັນກອງທຶນໃໝ່
ຢູເຄນລະບຸວ່າ ຕ້ອງການເງິນຢ່າງນ້ອຍ ຄ ພັນລ້ານດອນລ່າຕໍ່ເດືອນໃນໄລຍະນີ້ ເພື່ອໃຫ້ລັດຖະບານຍັງສາມາດດຳເນີນງານຕໍ່ໄປໄດ້ຫຼັງຖືກຣັດເຊຍຮຸກຮານໃນເດືອນ ກຸມພາ ແລະ ການສູ້ຮົບໄດ້ເຮັດໃຫ້ເສດຖະກິດສ່ວນໃຫຍ່ຂອງຢູເຄຣນຕ້ອງຢຸດລົງ
ທະນາຄານໂລກເຮັດວຽກຮ່ວມກັບຜູ້ບໍລິຈາກຫຼາຍປະເທດເພື່ອໂຄງການທາງການເງິນຕ່າງໆ ໃນການສະຫນັບ ສະໜຸນດ້ານສຸຂະພາບ ການສຶກສາ ບໍລິການສັງຄົມ ໄຟຟ້າ ນໍ້າ ແລະ ຖະໜົນຫົນທາງ
ອາຣັບ ບາເນີຈີ ຜູ້ອຳນວຍການທະນາຄານໂລກປະຈຳຢຸໂຣບຕາເວັນອອກລະບຸວ່າ ບໍລິການຫຼັກໆ “ມີຄວາມສຳຄັນເພື່ອປ້ອງກັນບໍ່ໃຫ້ສະພາບຄວາມເປັນຢູ່ ແລະ ຄວາມຍາກຈົນຮ້າຍແຮງກງ່າເດີມ” ນອກເໜືອໄປຈາກການທີ່ຕ້ອງທຸກທໍລະມານເພາະສົງຄາມ.