ຣັດເຊຍຂູ່ຢູໂຣບຈະຫາຍສາບສູນ ໃນນິວເຄຼຍວັນສີ້ນໂລກ ຖ້າສົ່ງຂີປະນາວຸດໃຫ້ຢູເຄຼນ.
ຣັດເຊຍເຕືອນກ້າວ ຊາດຕາເວັນຕົກລ່າສຸດ ຢູໂຣບຈະຫາຍສາຍສູນ ຈາກຫາຍະນະນິວເຄຼຍ ວັນສີ້ນໂລກ ຫາກຍັງຝືນສົ່ງຂີປະນາວຸດຊ່ວຍຢູເຄຼນສູ້ກັບຣັດເຊຍ. ທ່ານ ເວຍຊາລາບ ໂວໂລດິນ ປະທານສະພາດູມາ
ອອກຄໍາເຕືອນຄັ້ງໃໝ່ລ່າສຸດໄປເຖິງບັນດາຊາດຕາເວັນຕົກວ່າຢູໂຣບຈະຫາຍສາບສູນໃນຫາຍະນະນິເຄຼຍ ວັນສີ້ນໂລກ ຫາກຍັງຝືນສົ່ງຂີປະນາວຸດມາໃຫ້ຢູເຄຼນສູ້ືກັບຣັດເຊຍ.
ທ່ານ ໂວໂລດິນ ປະທານສະພາດູມາ ໄດ້ອອກມາເຕືອນຊາດຕາເວັນຕົກຄັ້ງລ່າສຸດ ເພື່ອຕອບໂຕ້ ທ່ານ Radoslaw Sikorski ອະດີດລັດຖະມົນຕີກະຊວງການຕ່າງປະເທດຂອງໂປແລນ ທີ່ໄດ້ກ່າວຮຽກໃຫ້ຊາດພັນທະມິດຕາເວັນຕົກສົ່ງອາວຸດຢຸດໂທປະກອນມາຊ່ວຍຢູເຄຼນຕໍ່ສູ້ກັບກອງກໍາລັງຣັດເຊຍທີ່ທໍາສົງຄາມໃນຢູເຄຼນ.
ເຊິ່ງໄດ້ມີການອ້າງວ່າ ປະທານາທິບໍດີວະລາດິມີ ປູຕິນ ແຫ່ງຣັດເຊຍ ໄດ້ລະເມີດຄວາມຕົກລົງເລື່ອງການປະກັນຄວາມໝັ່ນຄົງ ເຊິ່ງໄດ້ຕົກລົງກັນທີ່ກຣຸງບູດາເປ ເມືອງຫຼວງປະເທດຮັງກາຣີ ແລະ ການທີ່ຊາດຕາເວັນຕົກສົ່ງຂີປະນາວຸດ ແລະ ອາວຸດຍຸດໂທປະກອນ ມາຊ່ວຍຢູເຄຼນ ຈະເຮັດໃຫ້ຢູເຄຼນມີໂອກາດໃນການປົກປ້ອງເອກະລາດຈາກການຮຸກຮານຂອງຣັດເຊຍ.