ຄູອາສາ ຈຳໃຈລາອອກ ທັງນໍ້າຕາ
ຫຼັງສອນມາໄດ້ 10 ປີ ບໍ່ມີທ່າທີຈະໄດ້ເຂົ້າລັດຖະກອນ
ພະນັກງານອາສາສະໝັກບໍ່ວ່າແຕ່ສາຍຄູ ຫຼື ສາຍອື່ນໆ ລ້ວນແລ້ວແຕ່ເຮັດວຍກຢ່າງຂະຫຍັນຂັນແຂງ ເພື່ອຄວາມຫວັງດຽວຄືຕົວເລກໂກຕ້າເຂົ້າເປັນລັດຖະກອນ ແຕ່ຫຼາຍຄົນກໍ່ຢູ່ຈົນເກີນອາຍຸ 35 ປີ ເຊິ່ງເປັນໄວແກ່ສຸດສຳລັບມາດຖານທີ່ຈະໄດ້ເຂົ້າລັດຖະກອນ.
ຄູເນັ່ງທໍ່ເປັນອີກໜຶ່ງຄົນທີ່ສະຫມັກມາເປັນຄູສອນໄດ້ 10 ປີແລ້ວບໍ່ໄດ້ລັດຖະກອນ ສຸດທ້າຍຈິ່ງຈຳໃຈຂໍລາຈາກໂຮງຮຽນຫມູ່ຄູ່, ອາຈານນັກຮຽນທີ່ແສນຮັກທີ່ ມສ ທົ່ງແສນ ເມືອງຄຳເກີດ ແຂວງບໍລິຄຳໄຊ ເພື່ອໄປຫາຊ່ອງທາງເດີນໃໝ່ທີ່ຈະກຸ້ມຢູ່ກຸ້ມກິນໃນວັນຂ້າງໜ້າ.
ອາຈານຜູ້ນີ້ທີ່ເພິ່ນທຸ່ມເທເຮັດວຽກຟຣີມາເຖິງ 10 ປີແຕ່ບໍໄດ້ຫຍັງນອກຈາກຄວາມຮັກ ແລະຜູກພັນກັບຄູອາຈານ ເພື່ອນຮ່ວມງານ ແລະນັກຮຽນທີ່ຄອຍເຫັນໜ້າກັນໃນທຸກໆວັນ.
ໃນພິທີສົ່ງອາຈານເນັ່ງຊົ່ງເຖິງກັບຫຼັງນ້ຳຕາ ອາໄລຫາທຸກໆຄົນທີ່ເຄີຍຢູ່ຮ່ວມກັນຮັກແພງກັນຕະຫຼອດໄລຍະ 10 ປີທີ່ສອນຢູ່ໂຮງຮຽນແຫ່ງນີ້.