ເລືອກຂ້າງຢ່າງຊັດເຈນ! ຊີເຣຍຊາດທໍາອິດຮັບຮອງເອກະລາດ 2ແຄວ້ນຢູເຄຼນ
ຊີເຣຍ ເປັນຊາດທໍາອິດນອກເໜືອຈາກຣັດເຊຍ ທີ່ໃຫ້ການຮັບຮອງເອກະລາດຂອງສາທາລະນະລັດປະຊາຊົນໂດເນດແລະສາທາລະນະລັດປະຊາຊົນລູຮັນ ເຊິ່ງປະກາດເຈດຕະນາແຍກຕົວຈາກຢູເຄຼນ ແລະ ໄດ້ຮັບການຮັບຮອງເອກະລາດຢ່າງເປັນທາງການຈາກຣັດເຊຍ ຄວາມເຄື່ອນໄຫວທີ່ກະຕຸ້ນຄວາມເດືອດແກ່ຄຽບ ທີ່ປະກາດຕັດສໍາພັນທາງການທູດໃນແທບທັນທີ
ສໍານັກຂ່າວຊີເຣຍ ລາຍງານວ່າການຕັດສິນໃຈດັ່ງກ່າວລະບຸວ່າ “ ດ້ວຍຄວາມຕັ້ງໃຈແລະປາຖະໜາຄວາມສໍາພັນໃນທຸກມິຕິສາທາລະນະລັດອາຫຼັບຊີເຣຍຕັດສິນໃຈຮັບຮອງເອກະລາດແລະອໍານາດທິປະໄຕຂອງສະຫະລັດປະຊາຊົນໂດເນດແລະສາທາລະນະລັດປະຊາຊົນລູຮັນ”
ສາທາລະນະລັດທັງ 2 ເຊິ່ງລວມກັນເປັນພູມມິພາກດອນບາສ ຕ່າງປະກາດແຍກຕົວເປັນອິດສະຫຼະຈາກຢູເຄຼນ ຫຼັງຈາກເກີດການລຸກຮື້ທີ່ມີຕາເວັນຕົກໜູນຫຼັງໂຄ່ນລົ້ມອໍານາດ ວິເຕີ ຢານູ ໂຄວິ ປະທານາທິບໍດີທີ່ມາຈາກການເລືອກຕັ້ງຕາມລະບອບປະຊາທິປະໄຕໃນຂະນະນັ້ນ
ຕໍ່ມາ ກອງທັບຄຽບໄດ້ສູ້ຮົບກັບພວກກະບົດແບ່ງແຍກດິນແດນທີ່ສຸມໃສ່ຣັດເຊຍມາດົນກວ່າ 8ປີ ຈົນຣັດເຊຍໃຫ້ການີຮັບຮອງເອກະລາດຂອງທັງ 2 ສາທາລະນະລັດ ຈາກນັ້ນມອສໂກກໍຍົກພົນລະເມືອງຮຸກຮານຢູເຄຼນ ໃນສິ່ງທີ່ພວກເຂົາຮຽກວ່າເປັນປະຕິບັດການພິເສດດ້ານການທະຫານ.