ຢູເຄຼນຕັ້ງສູນເຝົ້າລະວັງໂຮງໄຟຟ້ານິວເຄຼຍຊາປໍຣິບເຊຍ.
ເມື່ອວັນພຸດ (17 ສິງຫາ) ສຳນັກຂ່າວຢູຄຣິນຟອມລັດຖະບານຢູເຄຼຮລາຍງານໂຕ້ອ້າງອີງຂໍ້ມູນຈາກເຮີມານ ກາລຸນເຊນໂກລັດຖະມົນຕີວ່າການກະຊວງພະລັງງານຂອງຢູເຄຼນວ່າ ຢູເຄຼນໄດ້ຈັດຕັ້ງສູນປ້ອງກັນວິກິດເພື່ອຮັບມືສະຖານະການສຸກເສີນທີ່ອາດເກີດຂຶ້ນ ກັບໂຮງງານໄຟຟ້ານິວເຄຼຍຊາປໍຣິບເຊຍ (Zaporizhzhia) ທາງຕອນໃຕ້ຂອງປະເທດ.
ກາລຸນເຊນໂກ ຖະແຫຼງຂ່າວວ່າສູນປ້ອງກັນວິກິດສ້າງຕໍ່ຍອດຈາກບໍລິສັດເອເນີໂກອະຕອມ (Energoatom) ເຊິ່ງເປັນຜູ້ດຳເນີນງານໂຮງໄຟຟ້ານິວເຄຼຍຂອງຢູເຄຼນ ຈະເຮັດວຽກຕະຫຼອດ 24 ຊົ່ວໂມງ ເພື່ອເຝົ້າຕິດຕາມສະຖານະການທີ່ໂຮງງານໄຟຟ້ານິວເຄຼຍຊາປໍຣິບເຊຍ ໂດຍສູນດັ່ງກ່າວຈະປະກອບດ້ວຍຄະນະຜູ້ແທນຈາກກະຊວງ ສຳນັກງານ ແລະ ສະຖາບັນຕ່າງໆ ໃນປະເທດ.
ສຳນັກຂ່າວຊິນຫົວລາຍງານວ່າ ເມື່ອອາທິດກ່ອນ ຢູເຄຼນ ແລະ ຣັດເຊຍຕ່າງກ່າວຫາວ່າອີກຝ່າຍໂຈມຕີໂຮງໄຟຟ້ານິວເຄຼຍຊາປໍຣິບເຊຍ ເຊິ່ງຖືເປັນໜຶ່ງໃນໂຮງໄຟຟ້າພະລັງງານປະລາມະນູຂະໜາດໃຫຍ່ທີ່ສຸດໃນເອີຣົບ ແລະ ຜະລິດໄຟຟ້າປະມານ 1 ໃນ 4 ຂອງປະລິມານໄຟຟ້າທັງໝົດ.
ຂະນະດຽວກັນເມື່ອວັນທີ່ 11 ສິງຫາ ຢູເຄຼນຮຽກຮ້ອງໃຫ້ຄະນະຜູ້ແທນລະຫວ່າງປະເທດພາຍໃຕ້ການນຳຂອງສຳນັກງານພະລັງງານປະລາມະນູສາກົນ (IAEA) ເຂົ້າປະເມີນໄພຄຸກຄາມຄວາມປອດໄພທາງນິວເຄຼຍທີ່ໂຮງໄຟຟ້ານິວເຄຼຍຊາປໍຣິບເຊຍອີກດ້ວຍ.