ປະທານາທິບໍດີໂວໂລດິມີ ເຊເລນສະກີ ແຫ່ງຢູເຄຼນປະຕິເສດເຈລະຈາສັນຕິພາບກັບຣັດເຊຍຫາກບໍ່ມີການຖອນກຳລັງທະຫານອອກຈາກປະເທດລາວ
ເຊເລນສະກີ ສະແດງຄວາມຄິດເຫັນດັ່ງກ່າວ ລັງສົນທະນາກັບ ອັນໂຕນິໂອ ກູເຕີເຣດ ເລຂາທິການຫໃຍ່ແຫ່ງສະຫະປະຊາຊາດ ແລະປະທານາທິບໍດີ ເຣເຈບ ໄຕຍິບ ແອໂດອັນ ແຫ່ງຕຸຣະກີ
ຜູ້ນຳຢູເຄຼນເຜີຍວ່າ “ຮູ້ສຶກແປກໃຈຫຼາຍ” ຫຼັງແອໂດອັນ ບອກກັບເຂົາວ່າຣັດເຊຍພ້ອມສຳລັບເຈລະຈາສັນຕິພາບ” ຢ່າງທຳອິດເລີຍພວກເຂົາຄວນອອກຈາກດິນແດງຂອງເຮົາແລະຈາກນັ້ນຈື່ງມາເວົ້າກັນ”
ກ່ອນໜ້ານັ້ນໃນມື້ດຽວກັນ ເລຂາທິການໃຫຍ່ແຫ່ງສະຫະປະຊາຊາດແລະປະທານາທິບໍດີຕຸຣະກີພົບປະກັບ ເຊເລນສະກີ ໃນເມືອງລະວິວຂອງຢູເຄຼນ ເຊິ່ງຢູ່ໃກ້ຊາຍແດນໂປແລນ ແລະພວກຜູ້ນຳທັງ 3ຫາລືກັນກ່ຽວກັບສະຖານະການທີ່ໂຮງງານໄຟຟ້າພະລັງງານນິວເຄຼຍທາງພາກໃຕ້ຂອງຢູເຄຼນ
ເຊເລນສະກີແລະກູເຕີເຣດ ເຫັນພ້ອມກັນໃນການກຽມການສຳລັບການເດີນທາງຢ້ຽມໂຮງງານໄຟຟ້າດັ່ງກ່າວຂອງຄະນະຜູ້ແທນຈາກອົງການບໍລິການປະລະມະນູສາກົນ
ແນວໃດກໍຕາມຍັງຄົງບໍ່ຊັດເຈນວ່າ ຣັດເຊຍເຫັນພ້ອມກັບການກຽມການດັ່ງກ່າວຫຼືບໍ່ທັງນີ້ ລະຫວ່າງໂອ້ລົມ ປະທານາທິບໍດີຢູເຄຼນ ຍັງຂໍໃຫ້ກູເຕີເຣດຮັບປະກັນຄວາມປອດໄພຂອງໂຮງງານໄຟຟ້າແຫ່ງນີດ້ວຍ.