ໜຸ່ມໃສ່ຊຸດເຈົ້າບ່າວຄວງແມ່ຖ່າຍຮູບແຕ່ງງານ ເຜີຍເບື້ອງຫຼັງສຸດຊຶ້ງຕ້ອງການເຮັດຕາມຄວາມປາຖະໜາພໍ່ທີ່ລ່ວງລັບ ຫວັງໃຫ້ແມ່ໃສ່ຊຸດເຈົ້າສາວຈັກເທື່ອໜຶ່ງ
ໜຸ່ມຫວຽດນາມຄົນໜຶ່ງໄດ້ແຊບັນຍາກາດຖ່າຍຮູບພາບແຕ່ງງານ ແຕ່ສິ່ງທີ່ດຶງດູດຜູ້ຄົນຄື ບຸກຄົນໃນຮູບພາບບໍ່ໄດ້ມີຄວາມສຳພັນແບບຄົນຮັກແຕ່ເປັນແມ່ກັບລູກຊາຍ ເຊິ່ງຊາຍໜຸ່ມຄົນນີ້ກໍພ້ອມເລົ່າເບື້ອງຫຼັງສຸດຊຶ້ງໃຫ້ທຸກຄົນຟັງ
ໂດຍອະທິບາຍວ່າ ເຂົາຕ້ອງການສານຄວາມຝັນໃຫ້ກັບພໍ່ທີ່ລ່ວງລັບ ພໍ່ຮັກແມ່ຫຼາຍທັງສອງຝ່າຟັນອຸປະສັກດ້ວຍກັນມາຫຼາຍ ເຊິ່ງຄວາມປາຖະໜາຂອງພໍ່ຄືການໄດ້ຈັດງານແຕ່ງງານ ແລະເຫັນແມ່ໃສ່ຊຸດເຈົ້າສາວ
ແຕ່ຍ້ອນຄວາມທຸກຍາກເຮັດໃຫ້ພໍ່ບໍ່ມີໂອກາດນັ້ນ ພໍ່ຈຶ່ງສັນຍາກັບຕົນເອງໄວ້ວ່າ ຈະເກັບເງີນເພື່ອນຳມາຈັດງານແຕ່ງງານນ້ອຍໆໃຫ້ໄດ້ ແຕ່ມັນໜ້າໂສກເສົ້າທີ່ພໍ່ບໍ່ໄດ້ຢູ່ຮອດມື້ນັ້ນ ໃນມື້ທີ່ເຂົາມີພ້ອມທຸກຢ່າງເຂົາຈຶ່ງອາດເປັນຕົວແທນຂອງພໍ່ ພາແມ່ໃສ່ຊຸດເຈົ້າສາວຖ່າຍຮູບແຕ່ງງານເກັບໄວ້ເປັນທີ່ລະນຶກ