ພັນທະມິດປູຕິນລະບຸຣັດເຊຍບໍ່ສາມາດຢຸດສົງຄາມເຖິງແມ່ນວ່າຢູເຄຼນເລີກຫວັງເຂົ້າຮ່ວມນາໂຕຢ່າງເປັນທາງການ

ພັນທະມິດປູຕິນ ລະບຸຣັດເຊຍບໍ່ສາມາດຢຸດສົງຄາມໃນຢູເຄຼນເຖິງແມ່ນວ່າຢູເຄຼນເລີກຫວັງເຂົ້າຮ່ວມນາໂຕຢ່າງເປັນທາງການ

ດິມິທີ ເມດເວເດບ ອາດີດປະທານາທິບໍດີຣັດເຊຍ ເຊິ່ງປະຈຸບັນເປັນຮອງສະພາຄວາມໝັ້ນຄົງຣັດເຊຍ ແລະພັນທະມິດຄົນສຳຄັນຂອງປະທານາທິບໍດີວະລາດິເມຍ ປູຕິນ ເປີດເຜີຍວ່າ ຣັດເຊຍບໍ່ສາມາດຢຸດປະຕິບັດການ

ທາງທະຫານໃນຢູເຄຼນເຖິງແມ່ນວ່າຢູເຄຼນເລີກຫວັງຮ່ວມນາໂຕ
ເມດເວເດບກ່າວຕໍ່ວ່າ ຣັດເຊຍກຽມເຈລະຈາກັບປະທານາທິບໍດີໂວໂລດິມີ ເຊເລນສະກີ ຜູ້ນຳຝ່າຍຢູເຄຼນດ້ວຍເງື່ອນໄຂບາງຢ່າງ ແລະກ່າວວ່າຣັດເຊຍໄດ້ສະແດງທ່າທີຊັດເຈນ ກ່ອນບຸກຢູເຄຼນວ່າ ການເຂົ້າຮ່ວມນາໂຕຫຼືອົງການສົນທິສັນຍາແອດແລນຕິກເໜືອຂອງຢູເຄຼນເປັນເລື່ອງທີ່ຮັບບໍ່ໄດ້

ແລະການລົ້ມເລີກຄວາມຫວັງເຂົ້າຮ່ວມນາໂຕເປັນເລື່ອງສຳຄັນແຕ່ຍັງບໍ່ພຽງພໍທີ່ຈະສ້າງສັນຕິພາບແລະວ່າຣັດເຊຍຈະປະຕິບັດການທາງທະຫານຕໍ່ໄປຈົນກວ່າຈະບັນລຸເປົ້າໝາຍ.
ທັ້ງນີ້ຣັດເຊຍແລະຢູເຄຼນໄດ້ເຈລະຈາກັນມາຫຼາຍຮອບຫຼັງຣັດເຊຍເລີ່ມບຸກຢູເຄຼນແຕ່ການເຈລະຈາບໍ່ມີຄວາມຄືບໜ້າແລະມີໂອກາດໜ້ອຍທີ່ຈະກັບມາເຈລະຈາກັນໃໝ່ເຊິ່ງການເຈລະຈາຈະຂຶ້ນຢູ່ກັບວ່າສະຖານະການເປັນແນວໃດ.

Leave a Reply

Your email address will not be published. Required fields are marked *

You cannot copy content of this page