ຂ່າວດ່ວນ! ປະທານປະເທດຫວຽດນາມ ລາອອກຈາກຕຳແໜ່ງ
ຄະນະບໍລິຫານງານສູນກາງພັກແຈ້ງເຫັນດີໃຫ້ ທ່ານ ຫງຽນ ຊວນ ຟຸກ ປະທານປະເທດ ສາທາລະນະລັດ ສັງຄົມນິຍົມຫວຽດນາມ ລາອອກຈາກສະມາຊິກພັກ ແລະຕຳແໜ່ງປະທານປະເທດ ຕາມຄຳສະເໜີຂອງທ່ານ ຫງຽນ ຊວນ ຟຸກ.
ຕາມການລາຍງານຂອງ Lao Dong ແລະ TTXVN ວັນທີ 17/01/2023 ທີ່ສຳນັກງານສູນກາງພັກ, ຄະນະບໍລິຫານງານສູນກາງພັກຊຸດທີ XIII ໄດ້ດຳເນີນກອງປະຊຸມພິຈາລະນາ ແລະ ປະກອບຄຳເຫັນກ່ຽວກັບການເຂົ້າບຳນານຂອງ ທ່ານ ຫງຽນ ຊວນ ຟຸກ ປະທານປະເທດ ສາທາລະນະລັດ ສັງຄົມນິຍົມຫວຽດນາມ.
ທ່ານ ຫງຽນ ຊວນ ຟຸກ ເຂົ້າຮັບຕຳແໜ່ງປະທານປະເທດຫວຽດນາມຕັ້ງແຕ່ວັນທີ 5 ເມສາ ປີ 2021 ແລະ ເຄີຍດຳລົງຕຳແໜ່ງນາຍົກລັດຖະມົນຕີ ໃນວັນທີ 7 ເມສາ 2016 ຫາ ວັນທີ 2 ເມສາ 2021. ທ່ານເປັນຜູ້ນຳທີ່ສຳຄັນ ແລະ ປະຊາຊົນຫວຽດນາມເຄົາລົບ.