ດື່ມເຫຼົ້າກັບເມຍ ໃຈຮ້າຍແຮງເມຍເວົ້າບໍ່ເຂົ້າຫູ ລຸກເຕະປາກເມຍແຕກ ແຂ້ວຫັກ
ໜ່ວຍກູ້ໄພມູນນິທິສະຖານີ ຕຳຫລວດບາງພລີ ຂອງປະເທດໄທໄດ້ຮັບແຈ້ງເຫດຜົວທຳຮ້າຍເມຍບາດເຈັບສາຫັດ. ດັ່ງນັ້ນຈຶ່ງໄດ້ເດີນທາງໄປກວດກາ ແລະ ໃຫ້ການຊ່ວຍເຫຼືອຢູ່ຈຸດເກີດເຫດ ພົບເຫັນຜູ້ບາດເຈັບ 1 ຄົນ
ເປັນເພດຍິງ ຮູ້ຈັກຊື່ ນາງ ແສງມະທິແກ້ວ ອາຍຸ 39 ປີ.ລາວໄດ້ຮັບບາດເຈັບ, ບວມ, ຟົກຊ້ຳ, ແຂ້ວຫັກແລະປາກແຕກແລະປາກຂອງລາວມີເລືອດອອກ. ໜ່ວຍກູ້ໄພຈຶ່ງຊ່ວຍປະຖົມພະຍາບານເບື້ອງຕົ້ນຈາກການສອບຖາມຜູ້ບາດເຈັບ, ໃຫ້ຮູ້ວ່າ:
ຜູ້ກະທຳຜິດແມ່ນ ທ້າວ ຈັນໄຊ ອາຍຸ 36 ປີເຊິ່ງເປັນຜົວ. ສາເຫດມີຢູ່ວ່າລາວກັບຜົວນັ່ງດື່ມນຳກັນ. ເຊິ່ງຜູ້ເປັນຜົວມັກດື່ມເຫຼົ້າເປັນປະຈຳປົກກະຕິ. ໃນຂະນະທີ່ດື່ມຢູ່ນຳກັນນັ້ນໄດ້ມີການສົນທະນາທີ່ບໍ່ສອດຄ່ອງບໍ່ເຂົ້າຫູກັນ. ຈົນຜົວລຸກຂຶ້ນເຕະໜ້າເມຍຈົນບາດເຈັບ ຫຼັງຈາກນັ້ນໄດ້ຫນີໄປ