ອອກມາຂໍໂທດ! ຍອມຮັບຜິດ (ແທນເມຍ) ວ່າທຳເກີນກວ່າເຫດ
ຈາກເຫດການຜູ້ໃຫຍ່ມັດເດັກນ້ອຍຕິດລົດ ຍ້ອນລັກເຂົ້າໜົມ ເກີດຂຶ້ນຢູ່ບ້ານພູຫົວຊ້າງ ເມືອງອານຸວົງ ແຂວງໄຊສົມບູນ ວັນທີ 6 ມີນາ 2023 ຜ່ານມາ ກາຍເປັນການວິພາກວິຈານ ແລະ ສັງຄົມປະນາມຕໍ່ການກະທຳຂອງຜູ້ໃຫຍ່ທີ່ມີຕໍ່ເດັກ ວ່າເປັນການບໍ່ເໝາະສົມ,
ເຂົ້າຂ່າຍຜິດກົດໝາຍວ່າດ້ວຍສິດທິເດັກ ຖືວ່າເປັນການໃຊ້ຄວາມຮຸນແຮງຕໍ່ເດັກເກີນຂອບເຂດ ມີໂທດທາງອາຍາ.ຫລ້າສຸດ ພາຍໃນວັນດຽວກັນ ຜູ້ເປັນຜົວ ໄດ້ອອກມາຊີ້ແຈງເຫດການທີ່ເກີດຂຶ້ນວ່າ ເຫດການດັ່ງກ່າວນັ້ນມີແທ້,
ເດັກນ້ອຍໄດ້ມາລັກເຂົ້າໜົມໃນຮ້ານ 3 ຄັ້ງ ຜູ້ເປັນເມຍຖາມຫາພໍ່ແມ່ ຜູ້ປົກຄອງແຕ່ເດັກນ້ອຍບໍ່ຍອມບອກ ເລີຍຈັບມັດໄວ້.
ຍອມຮັບຜິດວ່າການກະທຳດັ່ງກ່າວຂອງເມຍເປັນການກະທຳທີ່ເກີນກວ່າເຫດ ພ້ອມຈະໄກ່ເກ່ຍກັບຜູ້ປົກຄອງ ແລະ ທຳອູ່ສູ່ຂວັນໃຫ້ເດັກນ້ອຍຄົນດັ່ງກ່າວ. ຂໍໂທດສັງຄົມ ດ້ວຍໃຈຈິງ.
ວ່າດ້ວຍດ້ານກົດໝາຍ
