ກໍ່ສ້າງຂົວຄົນຢ່າງຂ້າມທາງ ຕໍ່ໜ້າໂຮງຮຽນມັດຖະຍົມສົມບູນ ລາວ-ຫວຽດນາມ

ກໍ່ສ້າງຂົວຄົນຢ່າງຂ້າມທາງ ຕໍ່ໜ້າໂຮງຮຽນມັດຖະຍົມສົມບູນ ລາວ-ຫວຽດນາມ

ອີງຕາມລາຍການ ຂັບຂີ່ປອດໄພ ຂອງສະຖານີວິທະຍຸ ກະຈາຍສຽງແຫ່ງຊາດລາວ, ໃນວັນທີ 7 ມີນາ 2023 ນີ້ວ່າ: ພະແນກໂຍທາທິການ ແລະ ຂົນສົ່ງ ອອກແຈ້ງການກ່ຽວກັບການກໍ່ສ້າງຂົວຄົນຢ່າງຂ້າມທາງ ຢູ່ຖະໜົນໄກສອນພົມວິຫານ ຫຼັກ 5 ຕໍ່ໜ້າໂຮງຮຽນມັດຖະຍົມສົມບູນ ລາວ-ຫວຽດນາມ ທີ່ບ້ານໂພນພະເນົາ, ເມືອງໄຊເສດຖາ, ນະຄອນຫຼວງວຽງຈັນ.

ເຊິ່ງຈະເລີ່ມກໍ່ສ້າງຂົວຄົນຢ່າງຂ້າມທາງໂດຍໃຊ້ເວລາກໍ່ສ້າງ ໃນໄລຍະ 4 ເດືອນ ນັບຕັ້ງແຕ່ວັນທີ 8 ມີນາ 2023 ເປັນຕົ້ນໄປ ໂດຍຈະໄດ້ອ້ອມຮົ້ວບໍລິເວນ ຕີນເສົາ 2 ເບື້ອງ ແລະ ອ້ອມຝາດ້ວຍອາລູຊິງ ກຳນົດຈະສຳເລັດພາຍໃນໄລຍະ 10 ວັນ

ເພື່ອສ້າງຄວາມປອດໄພ ແລະ ຈະໄດ້ຈັດດອນກາງທາງບ່ອນລົດລ້ຽວກັບ ເປັນການຊົ່ວຄາວ ໃນໄລຍະມີການກໍ່ສ້າງ ຜູ້ຂັບຂີ່ທຸກຄົນຕ້ອງໄດ້ປະຕິບັດຕາມລະບຽບ ປະຕິບັດຕາມການລະບາຍລົດຂອງເຈົ້າໜ້າທີ່ ຕາມຈຸດຕ່າງໆ,

ແລະ ໄລຍະທີ່ມີການກໍ່ສ້າງປະເພດລົດຂົນສົ່ງສິນຄ້າ ຫຼື ລົດໂດຍສານຂະໜາດໃຫຍ່ ຖ້າບໍ່ມີຄວາມຈຳເປັນຫ້າມບໍ່ໃຫ້ມານຳໃຊ້ເສັ້ນທາງນີ້ ໃຫ້ໄປນຳໃຊ້ເສັ້ນທາງອື່ນແທນ ຈົນກວ່າການກໍ່ສ້າງຈະສຳເລັດ.

ທີ່ມາ: Lao National Radio

Leave a Reply

Your email address will not be published. Required fields are marked *

You cannot copy content of this page